Артемида 1 е првиот пробен лет без екипаж во рамките на програмата Артемис на НАСА, чијашто цел е враќање на човекот на површината на Месечината. Станува збор за прв лет на Системот за лансирање во вселената (Space Launch System – SLS), наменет за лансирање на голем товар и воедно е првиот лет на леталото Орион MPCV. Лансирањето на Артемис 1 е закажано за најрано во мај оваа година, но веројатно треба ќе се случи во текот на летото.

Дванаесетото, виртуелно, издание на Сајт на годината се одржа на 13 март 2022. Оваа година веб-страниците од македонскиот интернет простор беа номинирани во 22 категории, а за нив гласаа 9219 интернет посетители и корисници.

Како Ајнштајновата теорија за гравитација може да се обедини со квантната механика? Се работи за предизвик што би ни овозможил длабок увид во феномените како што се црните дупки и раѓањето на универзумот. Сега, една нова статија објавена деновиве во Nature Communications презентира резултати кои даваат нов увид на предизвиците во разбирањето на квантната гравитација. Трудот е заедничко дело на истражувачи од Техничкиот универзитет Чалмерс во Шведска и нивните колеги од МИТ, САД.

Експерти развија систем за вештачка интелигенција за контрола на плазмата во фузиски реактор. Енергетската криза предизвикана од пандемијата и неодамнешните воени дејствија одново ја отворија дебатата за зависноста на Европа од фосилните горива. И додека дел од европските земји се подготвени повторно да ги отворат електраните на јаглен за да ја надминат можната вонредна состојба, експертите од DeepMind, компанија ќерка на Alphabet чијашто специјалност е вештачка интелигенција, го претставија првиот систем за машинско учење способен да контролира нуклеарен фузиски реактор.