Мисијата на ЕСА, Евклид само што не започнала. Вселенскиот телескоп ќе бара показатели што треба да им помогнат на астрономите да ја разберат мистеријата на темната материја. Телескопот беше лансиран денес, 1 јули, во 17 часот и 11 минути по македонско време, од американската база во Кејп Канаверал, Флорида. Вселенскиот телескоп Евклид го носи ракетата Фалкон 9 на SpaceX, во капсула која го одржува „безбеден и чист“.

Австралија ќе стане првата земја во светот која ќе им дозволи на лекарите како лек да препишуваат псилоцибин и MDMA, две нелегални супстанции, што покажале ветувачки резултати во лекувањето на некои психијатриски нарушувања. Одлуката, која ќе стапи на сила на 1 јули, беше поздравена од некои застапници на психоделичната терапија, но исто така предизвика загриженост кај научниците и лекарите кои велат дека доказите за безбедноста и ефикасноста на овие лекови се сè уште неубедливи. Потсетување псилоцибиот е екстракт од т.н. магични печурки, познати како психоделична дрога, додека MDMA е дрога што е многу попозната под името екстази.

При новите ископувања во Помпеја, се појави приказ на нешто кое изгледа како предок на современата пица. Тркалезна подлога од леб со дебел „венец“, посипана со бели и црвени елементи... но дали тоа навистина би можело да биде пица насликана на фреската неодамна откриена во Помпеја? Дури и тоа да им изгледа така на нашите очи, сепак такво нешто е невозможно велат италијаните. А тие би требало да знаат најдобро, нели? Имено, како што тие истакнуваат во тоа време сѐ уште немало моцарела и домати. Сепак, сликата со мотив на “мртва природа”, што сега може да се забележи речиси насекаде низ интернетот можеби и има некаква далечна врска со омиленото неаполското јадење, кое доби место на листата на светско нематеријално културно наследство.

На фосилизирана нога од хоминин се забележани засеци што веројатно биле направени од камени алатки. Ова може да биде најраниот доказ дека древните луѓе меѓусебно се касапеле и го јаделе месото од други.