Покрај уредите за подобрена и виртуелна реалност, плановите на Apple вклучуваат и сопствен виртуелен свет. Следната година Apple планира да претстави целосно нов производ, со кој го започнува својот налет на пазарот за кој многумина веруваат дека ја претставува иднината на компјутерите и начинот на кој го користиме интернетот. Станува збор за очила/уреди за проширена и виртуелна реалност, а планот на Apple за следните неколку години наводно вклучува дури три такви уреди.

Во септември оваа година се одржаа два важни настани за понатамошниот развој на Светското дигитално радио (Digital Radio Mоndiale – DRM): Третиот индиски автомобилски инфозабавен форум (India Automotive Infotainment Forum) и Меѓународната конвенција за радиодифузија IBC 2022 (International Broadcasting Convention 2022).

Skopje Air Fair претставува воздухопловен образовен саем и негова основна цел е промовирање на различните видови на професии во областа на воздухопловството. Саемот за прв пат се одржа минатата година во организација на Авикон, под покровителство на градот Скопје, а оваа година ќе се одржи на 13 ноември во Градскиот парк на локалитетот „Школка“, со почеток од 11 часот.

Македонија со децении е закрепостена во погрешна временска зона. Дали некогаш ќе се ослободиме од ова временско ропство е прашањето кое го поставуваат сите свесни граѓани. Неспорни се астрономските фактори поради кои Македонија е сместена во временската зона GMT+1 (објаснети во неодамнешен напис на порталот на Емитер), но одлуката во која временска зона да биде државата треба да се базира и на многу други фактори. Во оваа статија ќе може да дознаете за некои позитивни аспекти доколку Македонија влезе во многу посоодветна временска зона која на сите ни одговара. Тоа е зоната GMT+2 со Грција и Бугарија, а не како досега во сосема погрешната зона со Шпанија и Мароко.