Американскиот суд во средата пресуди дека компанијата Мета треба да плати 174,5 милиони долари за кршење на патентните права што се однесуваат на функцијата за пренос во живо во рамките на нејзините платформи Фејсбук и Инстаграм. Решенијата што овие апликации ги користат биле развиени од поранешен припадник на американската армија, кој ги осмислил како своевидна ‘закрпа’ за недостатоците во комуникацијата на бојното поле.

Речиси секогаш квалитетот на каросеријата на моторните возила (вклучително и шасијата каде што ја има) ја гледаме и оценуваме во однос на нејзиниот естетски аспект. Кај постарите возила, ако таа била ’рѓосана (скапана) лаички се задоволуваме со фактот што била закрпена во автолимарска работилница и си умислуваме дека е “како нова”. Ова е катастрофално поимање на нештата од оваа сфера! Ако пак се работи за модерно возило, кое настрадало во сообраќајна несреќа, исто така сме задоволни ако тоа било поправено во автолимарки сервис каде биле исправени и испеглани згмечените делници, па повторно си умислуваме дека е “како ново” – одушевување што значи дека ништо не се познава од сударот! И ова е катастрофално поимање на нештата од оваа сфера за што ќе стане збор во некоја друга прилика. Во оваа прилика ќе ја прокоментираме приложената фотографија која го покрива првиот од двата случаи што беа споменати.

Веќе десет години континуирано се одржува изложбата со Љубов од Битола. За јубилејот еден од творците на изложбите, Диоген Хаџи Коста Милевски кажа: “Оваа изложба Со љубов од Битола ќе го одбележи 10 издание приказни за нашиот град”. Па, бидејќи и јас сум учесник на сите овие изложби, од првата до јубилејната, ќе се обидам со студена глава да ги пренесам впечатоците од сите изминати години и изданија до денес, односно до отвароњето на изложбата на 12.9.2022 година во 20 часот.

Вечерва во Форт Кафе кај Самоилова Тврдина беше презентиран проектот “Охридски преданија од иднината”, научнофантастична збирка која преку текст и илустрации детално го предвидуваат изгледот на градот на светлината во 27-тиот век. Мотивите кои се застапени во киберпанк расказите вклучуваат хуманоидни роботи, бесмртни трансхуманисти, тајни интерпланетарни организации, вонземски цивилизации, а сите дејствија се случуваат на археолошки локалитети во Охрид.