Набљудувањето на еден ѕвезден пар сместен во срцето на неверојатен облак од гас и прашина, се претвори во интересно изненадување. Вообичаено, ѕвездените парови се мошне слични, што би рекле “небаре јајце на јајце”. Но, ова не е случај и со системот HD 148937, каде едната ѕвезда се чини дека е помлада и дополнитело, за разлика од другата, таа е магнетна. Новите податоци од Европската јужна опсерваторија (ESO) укажуваат дека овој систем првично се состоел од три ѕвезди, но две од нив се судриле и се споиле. Овој насилен настан го создал околниот облак и засекогаш ја променил судбината на системот.
