Средношколци од десет средни училишта за техничко образование од Македонија, вчера на Факултетот за електротехника и информациски технологии (ФЕИТ) се натпреваруваа во практична примена на знаењата преку употреба на развојни микропроцесорски системи. Натпреварот е во рамките на проектот „Технологија за тебе“ организиран од ФЕИТ-ФАБЛАБ и Логинг Електроникс, кој вклучува и работилници, каде средношколците претставуваат проекти на кои работеле во текот на училишна година, додека нивните професорите следат обуки и предавања организирани од ФЕИТ. Целта е промоција на електротехниката преку обезбедување техничка и професионална поддршка на учениците и професорите.

На 18 јуни 2023 година, петмина патници во мини-подморницата Титан ги загубија животите на длабочина од приближно 3800 метри под морето. Трагедијата се случи крај брегот на островот Њуфаундленд, Канада, при обид за посета на потонатиот брод Титаник. Екскурзијата беше организирана од американската компанија OceanGate. Батискафот во кој се наоѓаа патниците имплодира, осудувајќи ги на ужасен крај. Нешто помалку од една година по несреќата, една студија од Универзитетот во Хјустон се обидува да ги расветли причините за трагедијата.

Семаглутидот (којшто се продава како Ozempic, Wegovy и Rybelsus) првично бил развиен за лекување на дијабетесот. Работи на тој начин што го стимулира создавањето на инсулин за да го контролира нивото на шеќер во крвта. Овој тип на лек сѐ почесто се препишува за слабеење, и покрај тоа што првично е одобрен за друга намена. Неодамна се појави зголемен интерес за една друга негова можна употреба: за лекување на зависност.

Комбинирајќи ја древната вештина на оригами (создавање форми со превиткување на хартија) со современите материјали, истражувачите создадоа нов тип на мек робот налик на гасеница, кој се витка и спровнува низ лавиринти. Роботот е составен од повеќе модуларни сегменти што можат да функционираат како независно така и во една поголема целина во рамките на која тие комуницираат едни со други.