Во Австралија само што не започнала новата фаза клинички испитувања за ветувачки нов третман за сепса за кој истражувачите велат дека може да спаси безброј животи. Новиот третман се нарекува натриум аскорбат – PH избалансирана верзија на витамин Ц – и се доставува во вид на она што научниците го нарекуваат „мега-доза“ во крвотокот. Количината што се доставува со третманот е еквивалентна на витамин Ц од илјадници портокали, значи не се надевајте дека ќе излечите сепса со само неколку таблети витамин Ц.

Европскиот пазар за е-трговија се очекува да достигне 1,5 трилиони долари до 2027 година, тврди GlobalData во новиот истражувачки извештај. Ова значи дека просечната годишна стапка на раст изнесува 9% и дека европскиот раст малку заостанува зад глобалната стапка на пораст, која GlobalData ја проценува на 9,5 %. Фирмата за податоци и аналитика предвидува дека глобалните трошоци за е-трговија ќе достигнат 9,3 трилиони долари во 2027 година, наспроти достигнатите 5,9 трилиони долари во 2022 година. Ова претставува вкупен раст од нешто помалку од 60% за период од само пет години!

Колкава е јачината на конопот што се консумира денес наспроти оној што се пушел пред неколку децении? Ова, навидум наивно прашање, е извор на речиси сите главоболки за регулаторите кои се занимаваат со одобрување на еден куп производи-деривати од ова растение но и со првите обиди за легализација на т.н. “рекреативно” консумирање марихуана. A одговорот којшто го посочува една интересна статија неодамна објавена во New Scientist баш и нема многу да им се допадне. Имено, канабисот денес е многу помоќен. Неговата психоактивна моќ и онаа на неговите производи, како што е марихуаната, расте, а со тоа се зголемуваат и можните несакани ефекти.

Во првиот дел констатиравме дека во целиот свет интензивно се градат нови реверзибилни хидроелектрани (РХЕ), наречени уште пумпно-акумулациони хидроелектрани (ПАХЕ). Јапонија е светски лидер на ова поле, Кина ја гради најголемата ПАХЕ на светот (Шианши Јуанку, 4 X 300 MW), Хрватска покрај постоечките 3 гради уште 4 нови реверзибилни хидроелектрани, а во сите поранешни југословенски републики веќе има таквие електрани, освен во Македонија, која има намера да се задоволи само со една третина од идната ПАХЕ „Чебрен“.