Според Techcrunch, овој дигитален асистент ја комбинира улогата на тренер за фитнес, советник за спиење и водич за велнес, и ќе им биде достапен на корисниците на Fitbit Premium од октомври, во редизајнирана верзија на апликацијата.

Според Google, тренерот со вештачка интелигенција користи податоци во реално време собрани преку Fitbit уредите и паметните часовници Pixel Watch, а може да се поврзе и со паметна вага или мерач на шеќер во крвта.

Врз основа на целите, преференциите и достапната опрема на корисникот, тренерот креира персонализирани планови за тренинг, ги прилагодува врз основа на напредокот и состојбата на телото и дава препораки за закрепнување во случај, на пример, на несоница или на повреди.

Покрај физичката активност, тренерот со вештачка интелигенција го анализира и квалитетот на спиењето, дава препораки за подобрување и креира оптимален распоред за спиење врз основа на индивидуалната дневна активност на корисникот.

Како што наведе Google, системот е базиран на научно поткрепени сознанија и корисниците можат да поставуваат прашања од типот на “Дали е подобро да го прескокнам тренингот утре и да спијам еден час подолго?” или “Кои вежби се најефикасни за слабеење?”