Фотонапонски фарми во налет на еуфорија на големо се градат низ земјава. Дури и државата спасот од енергетската криза го бара во фотонапонските централи иако со нив само делумно се решава проблемот бидејќи имаме вишок на електрична енергија преку ден, а недостаток навечер. Со ова ние сме само на половина пат до решението на проблемот, а за сеопфатно решение потребно е да се реши проблемот со складирањето и одложеното користење на енергијата во вечерните часови. Решението обично се бара кај акумулаторските батерии или реверзибилните хидроцентрали, какви што моментално немаме. Токму тука доаѓаме до најголемиот проблем, цената на складирање на енергијата. Затоа да видиме што велат пресметките!