Бомбите и другите остатоци од експлозивни направи останати "заробени" во почвата и неексплодирани, по Првата и Втората светска војна, стануваат сè поопасни. Ова е заклучокот на двајца норвешки експерти за експлозивни направи од Универзитетот во Ставангер и Норвешкиот институт за истражувања од областа на одбраната, кои демонстрирале хемискиот состав на овие бомби и гранати го зголемува ризикот тие да експлодираат дури и при минимален стрес. Во нивната студија, чии резултати се објавени во Royal Society Open Science, Геир Новик и Денис Кристенсен ги опишуваат нивните тестови спроведени врз пронајдените бомби и објаснуваат што притоа било откриено.

Еден меѓународен проект сака да ги објави сите органски соединенија присутни во храната што ја јадеме. Целта е подобрување на здравјето и безбедноста на храната. Што се готви? Како одговор на ова прашање би можеле да ја наведеме секоја од состојките што сме ја употребиле во приготвувањето на јадењето, веројатно и добар дел од макронутриентите: јаглени хидрати, протеини, липиди... Но, ако треба да навлезаме уште подетално во составот на оброкот, веројатно ќе се изнамачиме пред да одговориме, ако воопшто и можеме.

Со дизајнот на оваа 3-елементна антена за 50 MHz (6 m подрачје) го завршуваме опусот антени за VHF, добиени со искористување на материјал од старите антени за 4. телевизиски канал од аналогната телевизија.

Со одржувањето на големото финале во просториите на ФЕИТ во саботата се спуштија завесите на овогодинешниот натпревар по роботика, автоматика, електроника и вештачка интелигенција – Робомак 2024. Малку поскромно од некои минати изданија, но ова не значи дека е и помалку вредно.