Колкумина од вас би сакале да можат да комуницираат со саканата личност која починала? Веројатно добар дел од вас што го читате ова. Технологијата нуди начин за остварување на ваков сон, но многумина се предомислуваат. Според учесниците во едно истражување спроведено во Соединетите Американски Држави чии резултати се објавени неодамна во Asian Journal of Law and Economics, всушност, многу работи не се како што треба со таканареченото „дигитално воскреснување“ (или „дигитално клонирање“), особено ако тоа е направено без согласност на директно инволвираниот, т.е. починатиот. Пред да навлеземе во резултатите од истражувањето, да објасниме за што точно се работи.