По еуфоријата, но и стравот што го зафати светот со појавата на ChatGPT, една година подоцна пристигнува првиот регионален голем јазичен модел со 7 милијарди параметри – YugoGPT. Во интервјуто дадено неодамна за порталот на РТС, неговиот творец Алекса Гордиќ откри што идните корисници можат да очекуваат од овој јазичен модел.

Земјотресот што ја погоди Јапонија на првиот ден од оваа година беше силен, со магнитуда од 7,5 степени според Рихтер. Но, највпечатливиот доказ за јачината на овој земјотрес е поместувањето на тлото што тој го предизвика. Имено, на некои места тлото се издигна и до 4 метри, а се помести странично за повеќе од еден метар! Како Јапонија успеа да го ограничи бројот на жртви при ваков разорен земјотрес? Еве што треба да научиме од јапонскиот систем...

Денес, среда, 3 јануари, точно во 1 часот и 38 минути по средноевропско (македонско) време, Земјата ја достигна позицијата перихел за 2024 година. Всушност, денес Земјата беше најблиску до Сонцето за оваа година, или на само 147 100 632 km. Точното растојание и време кога Земјата ќе биде во перихел, варираат од година во година. Така на пример, следната година при перихел, Земјата ќе биде 3054 километри подалеку од Сонцето, а моментот ќе се случи еден ден подоцна (4 јануари 2025 година во 14 часот и 28 минути).

Веројатно веќе сте забележале дека кога млазот од чешмата ќе удри во дното на мијалникот, водата истекува формирајќи најнапред финa мазнa површина, а потоа на одредено растојание се формира своевиден набор и протокот како да станува погуст. Овој феномен, наречен хидраулички скок, е генерално стабилен. Но, како што откриваат истражувачите, под одредени услови тој може да почне да осцилира!