Ова чудно сценарио произлезе од најновите сознанија за историјата на нашата галаксија Млечен Пат. Веќе од порано на научниците им е познато дека во соседство на нашата галаксија орбитираат неколку џуџести галакси, меѓу кои најблиска до нас е џуџестата галаксија Стрелец (Sagittarius). Исто така им е познато и дека поради нејзината голема близина до нашата галаксија, таа неколкупати во минатото се судрувала со халото од нашата галаксија, и при тие делумни судири материја од нејзината периферија се преточувала во нашата 10 000 пати помасивна галаксија. Па така, денес од џуџестата галаксија Стрелец останал само нејзиниот компактен средишен дел.