До распадот на источниот блок Русите не можеа да се пофалат со некоја висока репутација во областа на високата професионална технологија. Тука не се земени во предвид нивните високи достигнувања во вселенската технологија и во најмодерното вооружување. Русите произведуваа миксети, компресори, засилувачи и микрофони во фабриката ОКТАВА, која е прва руска аудио компанија што се проби на западниот пазар. Тие располагаат со јасен поглед кон иднината и во состојба се да го одржуваат чекорот со современите барања потпомогнати од нивното истражувачко и развојно одделение.

Во ова продолжение од серијалот ќе видиме како се врши автоматско поставување компонентите, автоматско рутирање на врските, како се креираат компоненти за цртање на електрични шеми и како се врши креирање footprint за PCB дизајн. На крај ви даваме неколку корисни практични совети за дебелини на линиите на водови, големината на лемните точки итн.

Повеќето инструменти за мерње на отпор со аналогно отчитување имаат нелинеарна т.е. логаритамска скала, што значи дека одредена промена на аголот на девијација не е пропратена со линеарна промена во вредноста на отпорот. Таа резултира со "згуснување" на отчитаните вредности кон помалите отклони, со што се отежнува отчитувањето.

Во оваа рубрика ќе мерам, сецирам, анализирам и модифицирам разни видови на звучници. Најчесто тоа се постари модели на звучници, но сеуште актуелни. Меѓу нив сигурно ќе го најдете (порано или подоцна) и вашиот звучник. Во анализите и оценките ќе бидам строг (а и безмилосен, ако треба), на што читателите досега веројатно веќе навикнале. Оценките нема да бидат базирани врз слушни тестови, туку само врз анализа на техничките решенија и врз резултатите од мерењата.

Уште од самите почетоци Crane Song LTD. се определени за аудиофилскиот приод кон професионалната опрема сè уште оспорувајќи го мислењето дека професионалните уреди по дефиниција се надмоќни.
STC-8 е двоканален компресор-лимитер во кој се избегнати било какви интегрирани VCA кола во корист на дискретни кола од класа A со што само се докажува дека негативностите во смисла на цената на чинење и прегревањето се апроксимативни во однос на акустичките придобивки.