На 07.07.1999 година беше одржана свечената промоција на книгата од областа на аудиотехниката "ОБРАБОТКА НА АУДИОСИГНАЛОТ" од Миле Серафимовски. Тоа е прва книга на Студио ЕМИТЕР, издавачот на списанието ЕМИТЕР и се надеваме дека е само почеток на побогата издавачка дејност од областите што досега ниеден издавач во Македонија не се ни обидува да ги покрие.

Нашиот читател Александар Неделковски направил интересни цилиндрични звучници, со одличен дизајн, Tubular bells AC 3. Звучниците во облик на цилиндер ретко се појавуваат на пазарот, но кога ќе се појават секогаш ги собираат наградите за најдобар дизајн. Александар направил сè она што може рачно да направи хобист-аматер, кога му стојат на располагање измерените карактеристики на звучниците.

Досега во ова списание имаше објавено неколку проекти за излезни засилувачи со најразлични карактеристики, но немаше некој позначаен проект за изработка на тонска корекција на аудио сигналот. За да се пополни оваа празнина се одлучив да го понудам овој проект за изработка на еквилајзер, уред наменет за тонска корекција на аудио сигналот. Самата улога на овој уред на сите им е позната поради тоа што досега неколку пати беа опишани готови уреди од овој тип.

Скоро секое, ако не и секое, домаќинство во својот инвентар има барем еден далечински управувач. Независно од фактот дали далечинскиот управувач е за видео рекордерот, телевизорот или системот за музика, како најчест носител на информацијата се јавува инфрацрвената светлина. За жал, или за среќа на производителите на далечински управувачи, нашето око не го детектира овој дел од опсегот на светлината, па исправноста на нашиот далечински управувач може да ја докажеме само посредно.

Одржувањето радио врски на кратки бранови е голем предизвик за сите радио аматери. Специфичноста на простирањето овозможува контакти на големи растојанија. Особено е интересно одржувањето на радио врски на што поголеми растојанија, со употреба на колку што е можно помала излезна моќност на предавателот. Предавателите (TX) кои имаат мали излезни моќности (неколку вати) се познати под името QRP предаватели.

За полначи на Ni-Cd батерии многупати е пишувано на страниците на ЕМИТЕР. Разгледувајќи повеќе можни решенија за Ni-Cd полнач, дојдов до заклучок дека треба да се направи измена во концепцијата бидејќи конкретните полначи не содржеа автоматика за температурна заштита, неопходна за доста осетливите на прегревање Ni-M-H батерии од мобилните телефони.