Интегрираното коло TA8220H е стерео аудио засилувач од TOSHIBA наменет за употреба во автомобилската аудио опрема, со можност за напојување со напони од 9 до 18V. Колото е сместено во куќиште со 17 изводи (HZIP17) и покрај двата независни аудио канали, во себе вклучува и коло за детекција на куса врска на излезот, коло за детекција на клипување и неколку заштитни кола со кои се обезбедува заштита од превисока температура, заштита од преголем напон и заштита од куса врска на излезите кон UCC, маса или кон другиот излез. Во овој напис даваме предлог решение за поврзување на ова коло како стерео засилувач.