Самостојната пресметка и изработка на комплетен звучник е едно добро хоби за заинтересираните аматери (под услов да се користат Thiele-Small параметрите!). За жал, постои заблуда дека таков звучник секогаш е полош од готов, фабрички. Подобро е и да не знаете колку неквалитетни звучници и свртници се вградуваат во некои звучни кутии на некои познати фирми. Посебна приказна се тенките и невкрутени страници на кутиите, кои резонираат и при тивка музика. За среќа, постојат и познати фирми кои сериозно ги осмислуваат и изработуваат и најевтините модели во нивната производна програма. Една од тие фирми е британскиот Tannoy. Во овој текст ќе биде претставена целата Hi-Fi производна програма на Tannoy - сериите Definition, Profile, Prestige и PBM, со детални објаснувања за употребените технички решенија.

Проектот што го презентирам е погоден за почетници кои сакаат за прв пат да направат транзисторски засилувач со комплементарен пар на излезни транзистори. Овој засилувач го одбрав затоа што е доста евтин, а и сите делови можат да се најдат во продавниците за електронски делови, па дури и во домашните резерви од некој стар расклопен уред. Засилувачот работи во AB класа.

Кога преснимуваме некој видео материјал од една касета на друга, квалитетот на сигналот во значителна мерка се намалува. Овде ќе ви прикажеме засилувач кој битно ги намалува загубите при преснимувањето, а исто така може да служи и за умножување на касети, бидеќи овозможува од еден извор (плеер) да се снима на четири рекордери, без да се изгуби од квалитетот.

Колото кое е претставено на сликата гарантира дека кога сијалицата La1 ќе испушти душа, сијалицата La2 ќе ја превземе нејзината задача, па просторијата ќе остане и понатаму светла.

По пет месеци откако беше објавен (во број 7-8/96) нашиот прв конкурс за проекти од областа на електрониката го приведуваме кон крајот. На неколку дена пред рокот предвиден со конкурсот (1.11.1996г.) во нашата редакција имаше пристигнато само неколку трудови што воопшто не влеваше оптимизам за успешна реализација на оваа идеја. Сепак во последните денови од октомври пристигнаа уште неколку проекти со што бројот на пристигнати трудови го достигна бројот 14.

Како до двапати поголемо количество на информации; LCR метар HP4284A; Интернет на радио брановите; EZCD Plus CD-ROM; Мали моќни алатки; CASIO - нови ''финти на пазарот''; ХСТ по првпат во Македонија; UBA SW натпревар; Electrocompaniet ECI-2; Thorens TCD 2000