Можеби на одреден дел од читателите ова им изгледа потполно неразбирливо и неостварливо, но сепак не е така. Исто мислење имав и јас пред да го составам овој инструмент, но сепак на крај излезе дека сум бил преголем скептик. Можеби овој инструмент не може во голема мера да се споредува со готовите уреди, но за поголем дел од читателите, посебно сервисерите на електронска опрема, ќе им биде од голема помош во праксата, посебно кога се двоумиме дали кондензаторот е добар или не, а немаме инструмент за негова проверка.

Треба да се напомене дека со овој инструмент може да се мерат кондензатори на кои пробивниот напон им е поголем од 9 волти. Ова можеби е и предност над фабричките мерачи на капацитивност каде кондензаторите се мерат со многу мала струја и на помал напон, а некои кондензатори се неисправни за поголема струја и доаѓа до несакан пробив во електролитот на повисок напон. Сепак, за далеку помала цена од цената на фабричките инструменти со слична намена добиваме инструмент кој многу многу ќе ни помогне.