Досега во “ЕМИТЕР” беа објавувани неколку проекти за движечки светла. Тие беа изработувани со помош на стандарни логички кола. Овој пат ќе стане збор за малку понапреден уред кој сепак е едноставен за градба. Идејата потекнува од нашите читатели, а ние решивме да конструираме уред што ќе има мал број делови и што ќе може да има универзална примена. Имено, онака како што е прикажан, уредот може да го употребите како мала играчка или, пак, може и да го вградите во некој друг уред. Но, истиот може да го употребите и како основа за изработка на некоја светлечка реклама.

Mоже да забележите дека е употребено само едно интегрирано коло. Станува збор за микроконтролер (16F84), што претставува и срце на овој уред. Ова интегрирано коло ја врши севкупната работа на уредот. Микроконтролерот за работа користи такт со фреквенција од 4MHz. Ваквата верзија на микроконтролерот е избрана од две причини. Прво, микроконтролерот што работи на оваа фреквенција е со најниска цена. Второ, ако имате микроконтролер што може да работи на тактови со поголема фреквенција, во него ќе може да ја вчитате програмата што е наменета и за микроконтролер со такт фреквенција од 4MHz. Програмата за микроконтролерот ќе може да ја добиете од редакцијата по e-mail или да ја “симнете” од интернет страницата www.geocities.com/dbdelectronic. За програмирање на микроконтролерот искоистете го PIC програматорот објавен во “ЕМИТЕР” 4/03.

Доколку сакате да направите светло за реклама, можете да искористите некои од претходните проекти што се објавувани во ЕМИТЕР (пр.”ЕМИТЕР” 1/2000), каде е објаснето како дадодадете тријаци со светилки што работат на наизменичен напон од 220V.