PIC-от не е ништо друго освен интегрирано коло што може да се програмира. Тоа значи дека во него се внесува некоја програма (софтвер), која врши одредена функција. Зависно од меморискиот капацитет на PIC-от, програмата може да содржи помалку или повеќе инструкции. Со напредокот на технологијата, речиси секои четири месеци на пазарот се појавуваат PIC микроконтролери со поголем капацитет и со повеќе функции.
Еден од најпознатите, а можеби и најупотребуваните PIC-ови во денешно време е 16F84. Тој е најраспространет, а и најлесно може да се набави. Програматорот што го гледате на сликата првенствено е наменет за програмирање токму на овој PIC. Редакцијата на ЕМИТЕР во блиска иднина ќе посвети повеќе внимание на PIC микроконтролерите, а како основа за изучување на истите ќе се користи токму микроконтролерот 16F84 и овој напис ќе биде посветен на наго. Овој програматор претставува претходница на спомнатите написи.