Пред неколку месеци во редакцијата на списанието пристигнаа неколку писма со иста желба од читателите, да се објави проект за уред кој последователно ќе побудува одреден број на светилки. Ваквиот ефект се нарекува движечко светло како што е и насловот на овој проект. Во некои од писмата беа дадени неколку идеи кои се добри, но главно изведбата на таков уред е посложена од приложеното решение. Секако дека приложеното решение треба да биде многу едноставно за да можат да го изградат и почетниците, а воедно да биде доволно функционално за да ги задоволи потребите на поширок круг читатели. Како што се гледа од слика 1 станува збор за многу едноставен уред кој е составен од две интегрирани кола, кои всушнот ја претставуваат целата логика на уредот, излезни бафери изведени со NPN транзистори и светлечки диоди. Истото може да се заклучи и од слика 2 каде што е претставен шематскиот приказ на уредот.