Модерната технологија последниве десетина години овозможи едноставна изработка на автомобилски аудиозасилувачи со големи моќности. Заслугата за тоа е кај модерните интегрирани аудиозасилувачи кои работат во H класа, чијашто главна одлика е зголемување на напонот на напојување при појава на зголемен влезен сигнал. Со тоа засилувачот во H класа може да даде голема излезна моќност и при мал напон на напојување, како што е напонот од 12V во автомобилите. Во оваа статија ви прикажуваме проект за самоградба на таков автомобилски аудиозасилувач реализиран со интегрираното коло TDA 1562Q, кој ќе ви обезбеди моќност од дури 70W на звучник од 4 оми. Тоа е повеќе од доволно да го привлечете вниманието на девојките, да предизвикате завист кај другарите, но и да си го оштетите својот слух.