Многу пати на страниците на ова спи­са­ние беа обработувани различни видови на ФМ радиопредаватели од минијатурни до некои со поголема моќност. Во овој напис ќе ви претставиме едно поинакво решение на радиопредавател со PLL кој бил корис­тен од страна на радиоста­ници­те, давајќи висок квалитет во радиодоеми­тувањето со соодветна фреквенциска ста­бил­ност на излезниот РФ-сигнал.  Овој пре­да­вател бил познат под името Вероника, а за првпат се поја­вил на пазарот во 1996, и до ден денес ја достигнал својата 11 вер­зија. Овој пре­да­ва­тел влубениците во ра­дио­техниката најчесто можеле да го наба­ват како кит комплет, без некое посебно објаснување за неговото функционирање. Во оригиналната шема и плочка имаше неколку грешки. Сега сите тие се отстранети и дизајнирана е нова плочка, што заедно со деталното упатство за градба и нагодување кое ви го нудиме во овој напис, гарантира лесна и успешна изработка.

Предавателот работи со фреквенциска модулација на браново подрачје со која било фреквенција од 87,5 до 108MHz про­грамирана од страна на корисникот со чекор од 100kHz. Овој предавател го ко­рис­ти системот на фазно заклучена јамка (PLL – Phase Locked Loop) реализиран со ди­ги­тални интегрирани кола од TTL и CMOS фамилијата на интегрирани кола. Излезната РФ моќност на предавателот изнесува 1W.