Интензивното сопирање или кочење на автомобилот е сложен статичко-динамички процес. Статички затоа што автомобилот не смее да излезе од рамнотежа, односно да се преврти, и мора сите четири тркала за време на кочењето да го допираат патот. Само под тој услов силата на кочење ќе е максимална и автомобилот ќе застане со најкраток можен сопирен пат. Процесот на кочење е и динамички затоа што при интензивно кочење тежиштето на автомобилот виртуелно се поместува нанапред и се пореметуваат сите односи на сили од тежините на предната и на задната оска.

НАСА објави две нови слики од податоците собрани од вселенскиот телескоп Џејмс Веб кои откриваат неверојатни детали за најголемата планета во Сончевиот систем. Податоците користени за обработка на сликите биле снимени кон крајот на јули со помош на блиско-инфрацрвената камера на телескопот, која ја набљудува во светлинското подрачје на нешто подолги бранови должини од оние на црвениот крај од видливиот спектар. Набљудувајќи го Јупитер на овие бранови должини надвор од подрачјето на видливата светлина, моќниот вселенски телескоп беше во состојба да открие детали што претходно не биле забележани.

Истражувачите од холандската фирма ThreatFabric забележале досега непознат Android dropper тројанец наречен BugDrop, кој моментално е во развој. Новиот малициозен софтвер користи нова техника за ширење на исклучително опасниот банкарски тројанец Xenomorph.

Како што беше најавено, НАСА денес ги објави 13-те региони потенцијални кандидати за слетување на мисијата Артемис 3 – сите во близина на лунарниот Јужен пол. Секој од регионите содржи повеќе потенцијални места за слетување за Артемида 3, која ќе биде првата од мисиите Артемида која со себе ќе понесе и човечки екипаж до површината на Месечината и назад. Изборот на регионите значи дека сме еден огромен чекор поблиску до враќањето на луѓето на Месечината, за прв пат по мисијата Аполо 17 во 1972 година.