Со преку 2500 регистрирани присутни досега, Конференцијата за енергетика на Југоисточна Европа 2024 треба да заземе централно место, обединувајќи ги експертите, индустриските професионалци и лидерите во енергетскиот сектор од регионот но и пошироко. Домаќин на овој значаен настан што ќе се одржи од 4 до 5 декември на Факултетот за електротехника и информациски технологии (ФЕИТ), во Скопје, е Меѓународната организација за дигитален развој на трафостаници (International Organization for Substations Digital Development).

Асоцијацијата на македонската индустрија за видео игри – МГИ како партнер ја презема локализацијата на платформата Shift2Games на македонски јазик за целата содржина на страницата, каде што може да се најдат детални описи на 50 различни позиции во индустријата за развој на игри, со многу информативни ресурси и совети за сите оние кои својата кариера ја бараат во доменот за создавање видео игри. Платформата е наменета за студенти, млади професионалци, средношколци, па дури и родители кои се вклучени во кариерната ориентација на своите деца.

Паметните електроенергетски мрежи (Smart Grid) и Интернетот на нештата (Internet of Things - IoT) ќе доживеат значителна експанзија околу 2027 година, а од 2030 година ќе станат сеприсутни и ќе ни го променат животот, онаков како што го знаеме денеска.

Студентите од ФЕИТ имаа можност да учествуваат со своите иновативни проекти на Саемот за креативни индустрии, кој се одржа на 25 и 26 ноември во едукативниот културен центар Лабораториум. Настанот, организиран со поддршка од Министерството за култура, претставува платформа за презентирање на иновации, креативни решенија и технологии кои придонесуваат за развојот на креативните индустрии во нашата земја.