На 10 јули 1943 година, некој месец по пресвртниците на источниот и африканскиот фронт и речиси една година пред искрцувањето на Нормандија, сојузничките вооружени сили ја започнале операцијата Хаски – искрцување на брегот на Сицилија. При оваа воена операција младиот американски пилот Гилберт Халдин Мајерс, заедно со екипаж од пет лица, го напуштил Тунис со својот бомбардер Б-25 со цел напад на аеродромот Шјака на Сицилија. Тој никогаш не се вратил во базата. По погодување на целта, авионот бил соборен од италијанската противвоздушна одбрана и паднал некаде на островот, а пилотот бил пријавен за исчезнат. Цели осумдесет години не се знаело ништо за него. Сѐ до неодамна, кога неговите посмртни останки биле идентификувани од страна на еден експертски тим.

Извештајот од едно археолошко истражување, поставен на платформата со отворен пристап Wiley, во кој се тврди дека структура пронајдена во Индонезија е најстарата пирамида во светот, предизвика лавина од реакции и многу критики од некои од археолозите кои сега инсистираат на повеќе и недвосмислени докази за ова тврдење. Сензационалното истражување заклучува дека постои пирамида која се наоѓа под праисториската локација Гунунг Паданг во Западна Јава, Индонезија, која можеби била изградена пред 27 000 години. Ова би значело дека таа е многу постара од првата египетска пирамида, Џосеровата пирамида изградена пред 4600 години. Исто така, тоа би значело дека оваа градба настанала пред најстарата позната мегалитска локација Гебекли Тепе во Турција, која била изградена пред околу 11 000 години!

Срна е првиот српски инфлуенсер со вештачка интелигенција. Таа патува низ светот и ги запознава своите следбеници со различни глетки, како што наведува на својот Инстаграм профил. Таа го привлече вниманието на многумина со своите интересни и едукативни објави. Се прашувавме кој стои зад нејзиниот профил и одговара на коментари, ChatGPT или некоја личност, но и која е нејзината цел.

Хроничните воспалителни болести на цревата, како што е Кроновата болест, може да се детектираат преку резултатите од тестовите на крвта неколку години пред појавата на сериозни симптоми. Според студијата објавена во научното списание Cell Reports Medicine, две хронични инфламаторни цревни заболувања, Кроновата болест и улцеративниот колитис може да се откријат рано преку некои мали промени во вредностите кај рутинските тестови на крвта, односно осум години и три години пред поставувањето на официјалната дијагноза.