Австралиски и американски истражувачи дизајнираа аналогно компјутерско коло кое користи радио и микробранови сигнали за реализација на обемни пресметки, а притоа троши помалку енергија од конвенционалната дигитална електроника.

Кралската шведска академија на науките одлучи Нобеловата награда за хемија за 2025 година да ја додели на Сусуму Китагава, Ричард Робсон и Омар М. Јаги „за развој на метално-органски рамки“ Лауреатите на Нобеловата награда за хемија за 2025 година создадоа молекуларни конструкции со големи простори низ кои можат да течат гасови и други соединенија. Овие конструкции, метално-органски рамки, можат да се користат за собирање вода од пустинскиот воздух, заробување на јаглерод диоксид, складирање токсични гасови или за катализирање на хемиски реакции.

Деветтата по ред меѓународна конференција за е-безбедност, организирана од Здружението за е-безбедност, беше успешно одржана од 29 септември до 2 октомври 2025 година во хотелот Мона Плаза во Белград. Овој уникатен регионален настан на едно место собра повеќе од 270 експерти од областа на информациската безбедност, ИТ, дигитална форензика, управување со ризици и сродни домени, уште еднаш потврдувајќи го својот статус како една од водечките безбедносни конференции во регионот.

Универзитетот Еуропа Прима се вклучува во процесите на дигитализација на културното наследство на Македонија со потпишување на Меморандум за соработка со управата за заштита на културно наследство, соработка што беше промовирана на првиот свечен академски час во петокот 3.10.2025 во просториите на универзитетот, во салата на Кинотека на Македонија. Исто така, во рамки на свеченоста за одбележување на почетокот на новата академска година, проф. д-р Роман Кралик од Универзитетот “Константин Филозоф”од Нитра, Р. Словачка, беше промовиран во Doctor honoris causa.