Анастрозол, хормонална терапија што ги намалува шансите за развој на најчестата форма на карцином на дојка, станува достапна како превенција во Велика Британија за жените кои се со најголем ризик од развој на ваков тумор. Имено, регулаторната агенција за лекови на системот за здравствена заштита на Обединетото Кралство процени дека пуштањето во оптек на овој веќе постоечки лек сега пренаменет како средство за превентива , директно засега околу 289 000 жени со умерен или висок ризик да бидат дијагностицирани со овој вид рак, затоа веќе навлегле во менопауза (фаза од животот кога се зголемува ризикот за развој на неоплазија на дојка) или според семејната здравствена историја. Пациентите кои ќе проценат дека се во ризичната група, ќе треба да го контактираат матичниот лекар за да добијат пристап до терапијата, која се состои во секојдневно земање таблета од 1 mg во текот на пет години.

Со цел да се истакне важната улога на науката во општеството и потребата да се вклучи пошироката јавност во дебати за нови научни теми, по иницијатива на УНЕСКО, секој 10 ноември го одбележуваме Светскиот ден на науката за мир и развој. На овој ден се размислува и за важната улога што науката ја има во нашето секојдневие.

Откажувањето од пушење е еден од најважните избори што може да ги направите за вашето здравје, а една студија објавена минатата недела во Science Advances посочува уште една причина зошто вреди да се обидете да ги оставите цигарите. Имено, пушењето цигари предизвикува опасни мутации во ДНК, мутации што го блокираат производството на протеини кои вообичаено го потиснуваат ракот со ништење на абнормални клетки. Се работи за молекуларен механизам со кој пушењето предизвикува тумори – прогресивна ерозија на нашата природна одбрана против заболените клетки.

Атмосферата на Венера е речиси целосно составена од јаглерод диоксид, но германските астрономи открија кислород насекаде во атмосферата на планетата – и на нејзината дневна и на ноќната страна од планетата. Откритието може да помогне да се утврди зошто атмосферата на Венера е толку различна од нашата, а сознанијата би можеле да се искористат во поддршката на идните вселенски мисии на Венера.