Откритието беше објавено во соопштение објавено на Фејсбук страницата на Чешкиот институт за египтологија – катедра при Факултетот за философија и уметност при Карловиот универзитет во Прага. Се работи за гробница на познат староегипетски големец, Птахшепсес, кој живеел некаде во периодот помеѓу 24-тиот и 25-тиот век п.н.е. Гробницата е пронајдена во зоната помеѓу приамидните полиња на Абусир и Сакара

За Нептун владееше мислење дека е замрзната, премногу изолирана планета за Сонцето да има некое сериозно влијание врз неа. Но, се чини дека не е така. Временските услови на Нептун се развиваат во согласност со ‘расположението’ на Сонцето.

Комитетот за историја при IEEE, најголемата меѓународна организација на електроинженерите во светот, го додели признанието IEEE Milestone за постигнувањето на монументална пресвртница – „Првата контрола на движење на физички предмет со употреба на сигнали кои произлегуваат од човечки мозок”, што се случи во просториите на ФЕИТ во 1988 година. Ова е прв случај признанието IEEE Milestone за клучно откритие да биде доделено за остварување на врска помеѓу мозок и компјутер.

За Камено доба сите знаеме, но веројатно може да се каже дека тоа имало и свое “Дрвено доба”. Проблем е што, за разлика од каменот, дрвото мошне ретко успева да остане зачувано во текот на илјадници години, освен ако не биде изложено на мошне специфични услови во околината. Се чини дека вакви поволни услови се создале крај една древна река што тече низ Замбија, на границата со Танзанија, во периодот пред околу 500 илјади години. Тука, под водопадите на реката Каламбо, истражувачите открија остатоци од нешто за кое сметаат дека е најстарата досега позната дрвена градба во светот.