Македонија со децении е закрепостена во погрешна временска зона. Дали некогаш ќе се ослободиме од ова временско ропство е прашањето кое го поставуваат сите свесни граѓани. Неспорни се астрономските фактори поради кои Македонија е сместена во временската зона GMT+1 (објаснети во неодамнешен напис на порталот на Емитер), но одлуката во која временска зона да биде државата треба да се базира и на многу други фактори. Во оваа статија ќе може да дознаете за некои позитивни аспекти доколку Македонија влезе во многу посоодветна временска зона која на сите ни одговара. Тоа е зоната GMT+2 со Грција и Бугарија, а не како досега во сосема погрешната зона со Шпанија и Мароко.

Дејан (Z31RQ) и Ник (Z32TW), во присуство на Боби (Z33PB) како сведок, ги поправија сопствените и македонските рекорди на радиоаматерските бандови 1.296, 2.304 и 10.470 MHz, како и на слободниот банд 915 MHz, односно на брановите должини 23, 13, 3 и 33 cm. Работејќи од портабл премостено е растојание од 77,02 km помеѓу манастирот „Св. Илија“, на самата македонско-грчка граница (локатор KN00QV20XV) и манастирот „Св. Недела“ кај Стровија, на границата помеѓу општините Долнени и Чашка (KN01QN86RN), што е поблиску до Скопје отколку до грчката граница.

Овој месец, на 3 и 4 ноември, во фоајето на киното Синеплекс во Скопје, ќе се одржи Саемот на креативни индустрии, под покровителство на Министерството за култура, а организиран од страна на здружението „Балкан синема ситис“ во соработка со киното „Синеплекс. Во рамките на креативни индустрии влегуваат музеите, библиотеките и галериите, маркетингот и рекламирањето, дизајнот на производи, модниот и графичкиот дизајн, архитектурата, занаетите, телевизијата, видеоизразот, фотографијата, филмот и радиото, издаваштвото, креирањето софтвер и компјутерските услуги, музиката, перформансите и визуелните уметности.

Во изминатите години од Куба многумина избегале по морски пат со чамци, но и пловила-самоградби, само да стапнат на тлото на САД со надеж дека ќе добијат политички азил. Но некој со воздухоплов да пребега од Куба во САД и притоа да остане незабележан во густиот воздухопловен сообраќај во близина на Мајами е навистина реткост. Токму затоа вистинска сензација предизвика прелетот на кубанскиот пилот Рубен Мартинез, кој полетал од аеродромот Санкти Спиритус (Sancti Spiritus) на Куба а слетал на аеродромот Дејд-Колиер (Dade-Collier), во близина на Мајами, Флорида.