Податоците од 2,6 милиони корисници на популарната платформа за учење јазик Duolingo се продаваат на популарниот BreachForums. Меѓу објавените податоци се адресите на е-пошта, кориснички имиња, имиња на корисници и телефонски броеви, информации за профилот на социјалните мрежи и други информации како искуство, напредок, достигнувања итн.

Вселенското летало Луна-25 излезе од месечевата орбита во саботата, на 19. август, по што се урна на површината на Месечината. Јуриј Борисов, шефот на Роскосмос, објави дека главна причина за падот на Луна-25 била аномалија во работата на моторот. Наместо планираното активирање на потисните мотори да трае 84 секунди, моторот работел 127 секунди. Овој дополнителен импулс предизвикал Луна-25 да удри во Месечината, изјави Борисов за ТВ-куќата Русија 24. Луна-25 требаше да работи најмалку една година на површината на Месечината.

Кина честопати се вбројува помеѓу главните глобални загадувачи, но во оваа азиска земја се проучуваат и пионерски технологии, со цел да се произведе чиста енергија во голем обем. Имајѓи го ова предвид не изненадува веста што неодамна, вдолж јужното кинеско крајбрежје кон островот Тајван, беше активирана највисоката ветерна турбина во светот, висока колку зграда со 50 ката.

Рускиот лендер, чија финална дестинација е Месечината, ги достави првите снимки од вселената. Мисијата Луна-25, полета на 10 август со ракетата Сојуз-2.1б од космодромот Восточни, во рускиот далечен источен регион Амур. Луна-25 е првата целосно домашно произведена сонда испратена на Месечината во современата руска историја.