При еден неодамна спроведен проект од Институтот за вселенска наука (Institute of Space Sciences, ICE - CSIC), истражувачки оддел при Институтот за вселенски студии на Каталонија (IEEC), со користење на техниката на спектроскопско интегрално поле (IFU – Integral Field Unit) биле идентификувани масивни црни дупки во џуџестите галаксии. Истражувачите откриле 37 вакви објекти, од кои 23 се новозабележани, бидејќи при претходните набљудувања на истите галаксии не биле пронајдени докази за нивно присуство. Ова е најшироката досега направена студија на џуџестите галаксии со примена на оваа техника.
