Утре официјално започнува Саемот на книгата, можеби најголемиот настан во Македонија чијашто основна цел е промоција на една од најкорисните навики, читањето – читањето како сублимирана размена на информации, како пренос на мисли низ времето и просторот, како влезница во нов свет, читањето како орудие, што ако правилно се примени, придонесува за развој на синаптичките мозочни врски и способноста за критичко размислување. Што ни носи ова јубилејно 35 издание на Саемот на книгата? Како што е најавено, освен понуда на книги по популарни саемски цени, организаторите ветуваат и моштво промоции на нови дела како од домашни така и од странски автори.

Во текот на изминатата деценија небото над Кина, што некогаш беше матно од загадување, сѐ повеќе и повеќе се разбиструва. Вака барем укажуваат атмосферските мерења направени од сателитите на НАСА во текот на повеќе од две децении. Но, истражувачите велат дека патот до целосно чист воздух во Кина којшто ќе донесе подобро здравје за нејзините граѓани е сѐ уште долг.

Гугл соопшти дека добил привремен судски налог да ја запре дистрибуцијата на малициозен софтвер CryptBot кој краде податоци од уреди што работат на оперативниот систем на Мајкрософт, Windows. CryptBot првпат беше забележан во декември 2019 година.

Во сенка на возбудата по претставувањето на првите четворица астронаути што ќе бидат лансирани на пат околу Месечината следната година, некако под радар помина веста дека вселенска компанија Астролаб, со седиште во Хоторн, Калифорнија, постигнала договор со SpaceX за лансирање на сопствен ровер за помош на астронаутите на површината на Месечината. Роверот FLEX (од Flexible Logistics and Exploration) треба да биде дел од мисијата на НАСА со вселенското летало Starship.