WWW е кратенка што ни е позната како ознака за речиси сите веб-локации. Но, акронимот го користи и една компанија со седиште во Осло – World Wide Wind, која има за цел да го револуционизира светот на енергијата на ветерот. Имено, компанијата неодамна претстави иновативен модел на пловечка турбина којашто ја ползува енергијата од ветерот, а првиот прототип е подготвен за тестирање во ветровитиот фјорд Ватс, штом ќе ја добијат дозволата од норвешката влада.

Како главен аргумент на властите против самостојна изградба на ПАХЕ „Чебрен“ се посочува студијата на германската консултантска куќа Фихтнер (Fichtner) од 2016 година, според која електраната е на самата граница на исплатливост или дури е неисплатлива. Според властите, ако електраната е неисплатлива, на Грците требало да им се даде ХЕ „Тиквеш“, за да им станел проектот исплатлив. Од друга страна, нивната добивка е наша загуба.

Француската старт-ап компанија за вештачка интелигенција, Mistral AI во неделата објави дека успеала да собере 385 милиони евра, со што се најде на второ место на листата европски лидери во доменот на вештачка интелигенција, веднаш зад германската компанија Алеф Алфа. Платформата за вештачка интелигенција и големи јазични модели (LLM) развиена од Mistral AI е делумно одговор на предизвиците на јавната злоупотреба и безбедносните проблеми со кои се соочува ChatGPT, но истовремено стреми да стане конкурент на производот на OpenAI.

Вчера во просториите на Културно информативниот центар во Скопје, во Салонот 19:19, групата Инженери на Република Македонија организира и одржа јавна дебата на тема „Чебрен – македонски ресурс – не е за раздавање". На јавната дебата воведни излагања имаа проф. д-р Константин Димитров, дипл. инж. (Машински факултет Скопје, проф. д-р Арсен Арсенов, дипл. инж. (Електротехнички факултет Скопје), проф. д-р Атанаско Туневски, дипл. инж. (Машински факултет Скопје) и проф. д-р Дејан Трајковски, дипл. инж. (Технички факултет Битола). Експертите се сите согласни – да, Чебрен треба да постои, но не под овие услови и по оваа цена! Суштински нужно е овој проект да се реализира во полза на Македонија, а не на штета на граѓаните.