Меѓународната агенција за истражување на ракот (IARC), која е дел од Светската здравствена организација, го класифицираше талкот како 'веројатно канцероген'. Ова не е првпат да се појави хипотеза за корелацијата помеѓу употребата на овој минерал и појавата на рак, особено рак на јајниците. Меѓутоа, до денес, сè уште не е идентификувана причинско-последична врска, ниту праг, во однос на количината или зачестеноста на употребата, над кој се зголемува ризикот од развој на канцер. Ова значи дека остануваат нешта што треба да се разјаснат. Поради ова треба и да знаеме што точно значи кога ќе се каже 'потенцијално канцероген'.

Систем способен да ја трансформира урината во вода за пиење е развиен и може да се интегрира во оделата на астронаутите: „вселенските прошетки“ ќе бидат подолги и поудобни. Тим истражувачи од Медицинскиот колеџ Вејл Корнел разви иновативен систем за собирање и филтрирање на урината, сличен со оној што веќе е во функција на Меѓународната вселенска станица, но минијатуризиран до степен за да може да се вметне во скафандерите што ги носат астронаутите при нивните активности надвор од станицата (EVA). Системот, кој потсетува на костумот што го носат Слободњаците т.е. Фремените од најновата филмска итерација на „Дина“, би можел да ги подобри перформансите и удобноста на астронаутите при овој вид активности.

Утре, 15 јули, на паркингот од кампусот на техничките факултети во Скопје официјално ќе биде претставен болидот изработен од тимот на MES Racing со којшто тие ќе учествуваат на годишниот натпревар Формула Студент што овој август ќе се одржи во Хрватска. Се работи за едукативен инженерски натпревар кој има за цел да развие претприемнички дух и нова генерација на иновативни млади инженери. Се смета за еден од најафирмираните едукативни натпревари за мотоспорт во светот.

Приближно 180 години наназад ако на некого бил вршен поголем оперативен зафат, голема е варојатноста дека за време на операцијата бил заспиен со општа анестезија. Иако оваа техника се користи речиси 2 века, и многу механизми од нејзиното функционирање се добро разбрани, сепак некои детали во врска со тоа како опојката успева да нѐ држи ‘заспани’ долго време без ненадејно да се разбудиме за време на операцијата сè уште остануваат нејасни. Студијата направена на овошни мушички и објавена во Journal of Neuroscience нуди некои нови детали за механизмот на дејство на анестетиците во мозокот.