Природно-математичкиот факултет на 29 и 30 август ги очекува пријавите од идните студенти – бруцоши, за новата учебна 2024/2025 година. Оваа година на Институтите на ПМФ за првиот циклус на студии ќе можат да се запишат вкупно 1030 студенти од Македонија и 32 студенти од странство.

Уште во 1906 година српскиот географ и природонаучник Јован Цвијиќ поставил хипотеза дека од изворите кај Тушемиште и Св. Наум во Охридско Езеро се слева вода од Преспанско Езеро. Шеесетина години подоцна, со помош на масена спектроскопија на водата, односно преку учеството на изотопите на кислородот О-18 и тешкиот водород (деутериум) H-2 во водата е утврдено дека водата од изворите на Охридско Езеро навистина одговара на изотопниот состав на водата од Преспанско Езеро.

Ел Нињо е дел од природниот климатски феномен наречен Јужна осцилација Ел Нињо (El Niño Southern Oscillation – ENSO). Феноменот има две спротивни состојби: Ел Нињо и Ла Ниња, и обете влијаат значително врз глобалното време. Делувањето на Ел Нињо може да се идентификува преку голем број различни мерења, вклучувајќи: потопли од вообичаените температури на површината на водата во тропскиот источен Пацифик, атмосферски притисок над нормалата во западниот дел од Пацификот и под нормалата во централниот дел од Тихиот Океан.

Замислете кога би било можно да лансираме сателити во орбитата без користење на ракети, ниту било каков погонски систем, туку инструментот или било кој товар сам да стигне во орбитата. Група на кинески научници го предлага токму тоа, да се изгради машина која ќе го користи принципот на магнетна левитација за лансирање.