Големите јазични модели можат да прават импресивни работи, да пишуваат поезија или да генерираат функционални компјутерски програми, иако во основа овие модели се обучени да ги предвидуваат зборовите што следуваат во парче текст. Поради ваквите способности можеби ви се чини дека моделите индиректно учат за некои од општите вистини за светот. Но, тоа не е нужно така, открива една нова студија.

Напоредно со експериментите на долги радио бранови (low frequency - LF), веќе се подготвувам и за активирање на многу долги бранови (very low frequency - VLF). Ако на долги бранови ја работам единствената македонска станица, можно е на многу долги бранови да ја активирам и првата станица на Балканот, но ќе морам да проверам за ова. VLF инаку е фреквентното подрачје на поморската навигација со долг досег, комуникациите со подморници и геофизичките испитувања.

Денес во 19 часот, истовремено на дигиталните продавници Steam и Xbox, во продажба ќе се појави вториот дел од играта „The Strange Story of Brian Fisher". Оваа видео игра претставува 100% Македонски производ, од концепт и креативната визија на охриѓанецот на заем во Скопје – Ристе Тутурески, неговата фирма Intetic, како и талентираниот тим на KAMAi MEDIA во Битола. Играва беше тестирана од Македонски тим во Indium Play во Скопје. Вистински пан-Македонски потфат!

Пред околу три недели, Скопското астрономско друштво организираше јавно набљудување на кометата C/2023 А3 Цучиншан-АТЛАС на паркингот пред Калeто. Дури и ако времето беше целосно ведро, влажноста во воздухот како и смогот направија целиот настан да не биде баш како што планиравме. Многу луѓе со право заминаа незадоволни од она што го видоа. Оние што не беа на тој настан нè контактираа со барање да се организираме повторно, но тргнувајќи од набљудувачкото искуство од Кале, не сакавме да ја повториме истата грешка. Затоа организиравме ново јавно набљудување на кометата, но овој пат од темна локација на Рудине кај браната Козјак.