Со сиот ризик ограничениот број на тестирања да нé доведе во заблуда, сепак мораме да констатираме дека факторот на раст (мерка на забрзувањето, слично како репродукцискиот број Rt) достигнал максимум и започнува да се намалува (на дијаграмот на првата слика). Тоа значи дека дневните броеви на новодијагностицирани ќе продолжат да растат, но не со толкаво темпо како до сега. Исто така, врвот на факторот на растот (како и репродукцискиот број Rt) кажува дека сме веќе во горната половина од бранот, односно поблиску до врвот, отколку до подножјето. Доколку тестирањата не нé залажуваат, тоа би значело дека за најмногу две недели би можеле да стигнеме до врвот на бранот и најголемите дневни броеви, коишто не би преминале 4000 случаи. Покрај ограничениот број на тестирања, намаленото тестирање за празниците исто така доведува до искривена слика на дневните броеви.

Заедно со неговите 79 месечини во орбитата на Јупитер се наоѓа и вселенското летало Џуно, коешто постојано испраќа слики од најголемата планета во нашиот Сончев систем до истражувачите на Земјата. Овие фотографии им обезбедија на океанографите материјал за новото истражување чиишто резултати беа објавени неделава во Nature Physics. Трудот ја опишува обилната турбуленција на половите на Јупитер и физичките сили кои ги придвижуваат големите циклони.

Иако ширум светот постепено почна да се укинува производството на возила со мотори со внатрешно согорување, четиритактниот мотор треба да добие признание дека е неверојатно добро смислена машина што човештвото ја користи повеќе од еден век. Всушност ваков или сличен мотор речиси сигурно се наоѓа и под хаубата на вашиот автомобил. Благодарение на видеото поставено на каналот TROdesigns на YouTube, сега можеме да го набљудуваме целиот процес којшто се одвива во еден од најкористените типови на мотори во транспортот.

Во новата фотографија направена од Европската јужна опсерваторија (ЕСО), Орион ни нуди спектакуларен огномет за прослава одбележување на новогодишните празници. Како бонус, овој “огномет” е сосема безбеден – најживописното соѕвездие од нашето соседство ниту ќе експлодира ниту пак гори. “Огнот“ што го гледате во оваа празнична разгледница е пламената маглина на Орион и неговата околина снимени во радиобрановот подрачје. Фотографијата е направена со инструментот APEX управуван од ЕСО, лоциран на студената висорамнина Чајнантор во пустината Атакама во Чиле.