Откако го помина најопасниот дел од нејзината прошетка низ внатрешниот дел од Сончевиот систем и ја преживеа блиската средба со Сонцето, изминативе неколку дена на ноќното небо над Македонија (а и пошироко :) ) непосредно по зајдисонце со голо око забележлива e кометата C/2023 A3 Tsuchinshan-ATLAS, наречена и комета на векот. Во продолжение ви пренесуваме повеќе прекрасни фотографии од кометата направени од повеќе локации низ Македонија, но и од Европа.

Дали започна побуната на роботите предвидена во филмовите на научната фантастика како Терминатор, Јас Робот или Бетлстар Галактика? Можеби да, ама можеби и не :) Како и да е, сопствениците на роботски правосмукалки од еден кинески производител пријавиле дека нивните правосмукалки биле хакирани и дека непознати луѓе ги навредувале преку звучникот на уредот. Некои корисници исто така пријавиле “луди” правосмукалки кои ги бркаат нивните кучиња низ куќата.

Преминот кон зелена енергија е неизбежен и Македонија мора да го следи глобалниот тренд на намалување на употребата на фосилни горива. Овој процес ќе бара големи промени во индустријата и економијата, особено во поглед на инженерските професии поврзани со термоенергетиката и моторите со внатрешно согорување. Ова е предизвик, но и можност за создавање на нови, одржливи работни места и индустрии.

Се ближи грејната сезона, па ќе биде неопходно да се води сметка за секој потрошен киловатчас електрична енергија. Особено ќе биде важно термоакумулационите печки да не акумулираат во високата тарифа, бидејќи многу бргу се навлегува во најскапиот, четврт тарифен блок ВТ4. За монофазните потрошувачи можат и на нашиот пазар да се купат тајмери со утичница за вклучување во опредено време од денот, но за трофазните потрошувачи мораме самите да изработиме таков уред.