Идејата за овој уред потекна од еден мој пријател кој има своја продавница (сервис). Токму таму ми се јави идејата за изработка на ваков уред. Се случуваше повеќе пати да бидеме преокупирани со некој дефект или обичен разговор (пренесување на искуства), а некој муштерија да дојде и да не биде забележан. Со изработката и поставувањето на овој дојавувач се надмина и тој проблем.

Овие денови многу често се користи терминот радио локатор. Ова е уред, кој со сигналот што го емитува одбележува некоја локација. Како и сите други и овој уред може да се злоупотреби за воени цели и жално е што токму вака најголем број од нас дознаа за постоењето на ваквите уреди. Уредот, кој ви го претставуваме, е срцето на еден радио локатор. Со него може да се открие точно за кој радио локатор се работи.

Нашиот читател Петр Петрејчин ни ги донесе своите звучници, изработени според проектот SBI Selektor 100, објавен во SAM 11/88. Оригиналниот проект SBI Selektor 100 е направен со класична симетрична свртница од прв ред. Меѓутоа, Петр не бил задоволен од звукот што го давала оваа свртница.

Во радио предавателите и радио приемниците, задолжително е присуството на осцилации со високи фреквенции. Без нив практично не би постоел радио преносот. Во радио предавателот се генерираат високофреквентни струи кои преку антената се емитуваат во етерот како електромагнетни бранови. Кога ќе стигнат до приемната антена, со помош на радио приемникот се примаат, а понатаму и демодулираат. За да се создадат осцилации со високи фреквенции се користат таканаречени високофреквентни осцилатори.

Интегрираното коло LM567 е тон декодер со излезен прекинувачки транзистор, кој се вклучува ако на влезот на колото се доведе сигнал со одредена фреквенција. Оваа фреквенција и опсегот на фреквенции околу неа, за кои настанува вклучување, засебно се нагодуваат со неколку надворешни елементи. Тука ве запознаваме со најважните електрични карактеристики на колото и неколку предлози за негова примена

Пред повеќе месеци IRIDIUM LLC, конзорциум од 19 меѓународни компании, го лансираше првиот глобален, безжичен комуникациски сервис. Извишувајќи се над хоризонтот како Млечниот Пат, констелацијата IRIDIUM го пренесува човечкиот глас со брзина на светлината. Кружејќи околу Земјата како конвој месечини, таа ја опкружува планетата така што и најоддалечените луѓе се всушност на растојание од неколку секунди.

Кино-аматерите ретко користат забрзано снимање кое овозможува за неколку секунди да се прикаже некоја акција која се одвива споро. На пример, претворувањето на пупка во цвет. За тоа е потребен електронски тајмер кој овозможува автоматско снимање со однапред утврдено временско растојание.