Идејата да се ангажирам со градба на овој електронски уред потекнува од времето кога рестрикцијата на електрична енергија беше актуелна. Имено, прелистувајќи го работниот дневник од минатите години, со чувство на носталгија се потсетив на еден од моите први проекти, кога со моето почетничко искуство успеав да пронајдам во внатрешноста на еден готов комерцијален уред интересна реализација на автоматско резервно осветлување. Со мали измени на постоечката конфигурација, со додавање на уште еден транзистор и мала измена во напојувањето, дојдов до решението што е предмет на овој напис.