Со еквилајзерите може да се влијае врз амплитудите на различните фреквенциски компоненти од аудио спектарот. Тие претставуваат една многу корисна алатка при обработката на аудио сигналот. Затоа се наоѓаат вградени во речиси секоја тонска миксета, но, обично, во "посиромашна" варијанта, што се однесува до можностите. Со многу повеќе можности, па дури и "раскошни", се градат како посебни уреди кои можат да бидат уфрлени, односно инсертирани, на патот на аудио сигналот.

Сè укажува на тоа дека мирот и опуштеноста во погоните и конструкциските и дизајнерските бироа на Pioneer биле само привид. Годините во кои се чинеше дека ништо посебно не се случува, потрошени се на значајни зафати во топологијата и анатомијата на склоповите, што резултираше во бројни технички унапредувања на нивните CD плеери.

Двоканалната стереофонија е најшироко распространета пред сè поради техничко-комерцијалната остварливост кај најширокиот круг слушатели. Сигурно не може да се каже дека таа ги задоволува и најпробирливите слушатели. Впрочем, една од човечките доблести е постојано да истражува нови можности за подобрување на нештата. Во поновите и позначајните обиди за подобрување на двоканалната стереофонија спаѓа трансауралното стерео.

По разгледувањето на писмата од читателите во кои се изразени нивните желби за проекти кои сакаат да бидат објавени во ЕМИТЕР, мене ми падна задачата да подготвам проект за алармна сирена, која ќе може да се искористи и за други намени. На почетокот помислив дека овој проект нема да претставува некој поголем проблем, но подоцна не излезе така.

Изворот на напојување е составен дел на секој електронски уред. Негова главна задача е да ги обезбеди потребните напони и струи за правилна работа на уредот. Практично, во изворот на напојување се врши конверзија на влезниот напон ( AC/DC или DC/DC ) и стабилизација на излезниот напон.

Освен многуте засилувачи што беа објавени во ЕМИТЕР за употреба во домашни услови имаше објавено и проекти на засилувачи што можат да се употребат во автомобил. Единственото ограничување за засилувачите што би требало да работат во автомобилот е нискиот работен напон од околу 12 - 15 волти, при кој максималната моќност е лимитирана на околу дваесетина вати.

Секој гитарист, кој барем еднаш се обидел да експериментира со звукот од неговата гитара, го познава овој ефект. Електроничарот од друга страна може да се заинтересира за градба на овој уред од повеќе причини. Првата, најверојатно би била бидејќи и самиот свири на гитара, па стигнал до стадиумот кога оригиналниот звук веќе не му е доволен.