Освен многуте засилувачи што беа објавени во ЕМИТЕР за употреба во домашни услови имаше објавено и проекти на засилувачи што можат да се употребат во автомобил. Единственото ограничување за засилувачите што би требало да работат во автомобилот е нискиот работен напон од околу 12 - 15 волти, при кој максималната моќност е лимитирана на околу дваесетина вати. За да се постигне поголема моќност треба да се изгради засилувач кој работи на повисок напон, а за него и претворувач кој ќе му го овозможи тоа. Претворувачот што е прикажан овде работи на принцип одамна познат во литературата.