CD-ROM кој во себе содржи голем број мапи може да обезбеди доволна база на податоци за компјутерски контролиран навигациски систем во моторните возила. Во соработка со системот за глобално позиционирање (GPS - Global Positioning System) и со соодветен софтвер сето тоа представува моќен систем кој може да го олесни снаоѓањето на возачот во сообраќајот.
Еден од најинтересните електронски системи е сателитскиот систем за позиционирање. Вакви системи се во употреба веќе некое време, но дури неодамна станаа комерцијално достапни. Системот е познат под името NAVSTAR и оригинално е развиен во американската војска. Една од првите цивилни примени била навигација во релито Париз - Дакар. NAVSTAR е мошне сложен електронски систем и се базира на мерење на пропагационото доцнење на сигналот кој се емитува од повеќе сателити.