Најактивниот и мерач со најбрза реакција од сите останати инструменти на таблата е токму мерачот на вртежите на моторот. Ползата од него може да биде многу поголема отколку само воодушевувачкиот впечаток што го остава особената активност на стрелката на овој инструмент предизвикана од малку порешителното притискање на педалот за гас.

Патот до првото полетување на ултралесниот авион Савана сопственост на дипл. инж. д-р Дејан Трајковски и на Михајло Атанасов, професионален пилот во МАТ, беше трновит, долготраен но со успешен завршеток, што отвора пат кон нови достигнувања во областа на самоградбата на ултралесни воздухоплови. За ова поопширно пишувавме во претходниот број на ЕМИТЕР, а кога тој број веќе беше во трафиките Савана го направи својот прв лет.

Радикална и контроверзна, новата теорија за формирањето на планетите сугерира дека нашиот Сончев систем е изграден набрзина, во хаотична средина, за која до пред некоја година се мислеше дека просто е невозможно формирањето на планети во неа. Наспроти моделот на акреција, според кој на планетите од типот на Уран и Нептун им е потребно поголемо време да се формираат, преку моделот на нестабилност на протопланетарниот диск тие се формираат речиси "преку ноќ".

Посветеноста на аудиото во сите негови форми и навлегувањето во сите негови длабини исполнети со очекувани и неочекувани неизвесности е уште една карактеристика кај луѓето од овој "занает"; со тоа тие ја потврдуваат сопствената предодреденост и дарба, поради која ним ништо не им е "тешко" и кога им е тешко, кога се судруваат со најразлични бремености од акустичка или од аудиотехничка област. Во оваа група неоспорно спаѓа и Валентино Скендеровски, сопственик на студиото ENTERPRISE.

Кому му е гајле дека најисплатливиот бизнис во светот (се разбира, тоа не важи кај нас), по бизнисот со оружје и нафта, оддамна пропаднал и е неисплатлив во Македонија? Нека живеат ДВД-ата за 100 денари!!!

Фирмата EAW е позната повеќе од 25 години, наметнувајќи се со својот професионален однос кон клиентите и истакнувајќи се со звучниот квалитет и професионална оперативност. Неодамна е воведен нов вид комерцијален систем, кој се труди да одржува високи професионални перформанси од страна на EAW и на Mackie.Тоа е новата комерцијална линија наречена EAW Commercial; која содржи ДСП матрични миксери, засилувачи, тавански звучници и широк опфат на останатите звучници.

Едно од повеќето помошни средства кои се користат во работилницата на еден електроничар е и "Тестерот на зенер диоди". Него со малку средства и труд ќе го изработите со проектот што ќе го проследите во понатамошниот текст.

Од кога се пронајдени светлечките диоди некаде, во 60-тите години од минатиот век, светлината што тие ја емитираат се наоѓа насекаде во секојдневниот живот. Тука спаѓаат и ласерите кои со својата специфична светлина ги има се повеќе во служба на обичниот човек, во аудиоуредите, во архитектурата, во автомобилската техника, за мерење далечина итн. Да не зборуваме за нивната употреба во високотехнолошки уреди во медицината, воената технологија, вселенската технологија и друго.

Дали можете да си го замислите животот без Интернет? Јас сугурно НЕ. А дали можете да си замислите како функционира денешниов модерен Интернет? Не мачете се, верувам во вашата имагинација, но сепак добро би било да го прочитате текстот што следува подолу и да дознаете повеќе за магијата наречена ИНТЕРНЕТ.

Се појави уште една ѕвезда во универзумот на Линукс оперативните системи, ја идентификуваа како Linux Mandriva Limited Edition 2005. Mandriva Linux од неодамна, а верувам позната и како Mandrake Linux, е со веќе позната стратегија кон крајниот корисник, "лесна за користење за секого".

Интернет ни овозможи да правиме работи за кои сме мислеле дека не можеме да ги правиме пред неколку децении. Како додаток на електронската пошта (е-маил), online аукциите и достапноста до најголемата информатичка база на податоци некогаш направена, сега имаме можност и да разменуваме фајлови, музика и филмови со корисниците насекаде околу светот. Оваа можност е наречена file shareing (размена на фајлови).