Кому му е гајле дека најисплатливиот бизнис во светот (се разбира, тоа не важи кај нас), по бизнисот со оружје и нафта, оддамна пропаднал и е неисплатлив во Македонија? Нека живеат ДВД-ата за 100 денари!!!
Покрај негрижата на државата да направи нешто против појавата на големата (тоталната) пиратерија која најмногу придонесе за пропаѓање на 183-те кино сали во Македонија и намалување на нивниот број на само 13 (баксуз број), еве и нова закана и дефинитивен смртен удар на какво-таквото работење на последните активни македонски кина. Појавата на новата технологија во производство на 35мм копии за дистрибуција низ киносалите по светот, која не е на база на сребро како старите досегашни копии туку на база од цијан (cyan), бара употреба на посебен читач на звучниот запис од филмот наречен: црвен светлосен читач (Red Light Reader).