Од кога се пронајдени светлечките диоди некаде, во 60-тите години од минатиот век, светлината што тие ја емитираат се наоѓа насекаде во секојдневниот живот. Тука спаѓаат и ласерите кои со својата специфична светлина ги има се повеќе во служба на обичниот човек, во аудиоуредите, во архитектурата, во автомобилската техника, за мерење далечина итн. Да не зборуваме за нивната употреба во високотехнолошки уреди во медицината, воената технологија, вселенската технологија и друго. За да останеме во рамките на нашите можности, во овој проект ќе го искористиме единствениот ласер (ласерски покажувач) кој може да се најде насекаде и за многу ниска цена. Овој мал ласер заедно со прикажаниот уред формираат едноставен но ефикасен алармен систем за заштита на некој објект.