Еве го првиот тест на професионални сабвуфери во ЕМИТЕР! Во странските списанија повремено можат да се најдат тестови на сабвуфери за домашна (hi-fi, surround) употреба, но мерните тестови се исклучително ретки, а речиси и да не постојат мерни тестови на професионални сабвуфери наменети за озвучување. Една од причините е тоа што професионалните сабвуфери не можат да се мерат во домашни (или канцелариски) услови. За да покажат што навистина знаат, на професионалните сабвуфери им е потребен отворен простор или голема концертна хала, каде што ќе можат да се пуштат доволно гласно. Јас одлучив мерењата да ги направам на отворен простор, на општо негодување од семејствата во соседните куќи.