Далечинските управувачи денес се секојдневие во нашите домови. ТВ-апаратите, музичките системи, ДВД-плеерите, сателитските приемници, сите тие денес не можат да се замислат без далечински управувач. Зголемете го комфорот и уживањето во својот дом со уредот што ќе ви го прикажеме во овој број. Изработете далечински контролиран уред што ќе може да се управува со далечинскиот управувач од вашиот ТВ-приемник, а кој ќе ви овозможи вклучување, исклучување и разни други операции на уреди што не можат далечински да се контролираат. Веројатно најчеста примена на овој уред ќе биде за палење и гаснење на светилките во домот и дворот со помош на далечинскиот упревувач од вашиот ТВ-приемник или VCR/CD плеер.