Барајќи нов предизвик, фирмата KTM, реномиран австриски производител на мотоцикли, го промовира возилото со четири тркала наречено X-Bow. Со својата изведба, дизајн и технички спецификации, овој модел недвосмислено укажува дека не се работи само за уште едно обично превозно средство, туку за возило кое нуди огромно задоволство во возењето.

Ова е нашиот краток водич за астрономи-аматери. Дознајте што, каде и како можете да набљудувате во следниот месец на нашето небо со помош на голо око, обичен двоглед и аматерски телескоп. Овој месец ќе помине во знакот на утринските Венера и Сатурн.

Вселенското летало Феникс е најновата мисија на НАСА упатена кон планетата Марс. Основна цел на мисијата е да се проучи историјата на водата на оваа планета и потенцијалот што Марс го има за поддржување на живот. Леталото беше лансирано на 4 август од воената база на Кејп Канаверал, на Флорида, а ќе слета на Марс на 25 мај следната година.

Што е тоа мало, тенко, има одличен MP3 звук и доаѓа во повеќе бои? Одговорот на ова прашање не е она на што мислевте. Не би сакала да го употребам терминот "убиец" на iPod, но SONY направи достоен противник на оваа популарна играчка, со потенцијал да ја надрасне.

Лемењето претставува спојување на два метала, со растопување на трет метал врз нив, при што се формира цврст механички спој овозможен од јака хемиска врска. ќе се запознаеме со теоретски и практични познавања за лемењето: физичко-хемиските процеси при спојувањето и основните принципи и техники при лемењето, како и потребниот прибор и материјал за лемење. Прикажани се основите на лемењето за почетници и искуства кои можат да ги надополнат знаењата и на "напредните" електроничари.

Еден од нашите читатели се интересираше за испитување на исправноста на бобините кај моторните возила. Бидејќи и ние сметаме дека е тоа интересна тема, во овој текст ќе зборуваме токму за тоа.

Ова електронско коло претставува адаптација на регулатор на вртежи на рачна дупчалка (бормашина) во регулатор на вртежи на AC-мотор, кој се приклучува на низок наизменичен напон.

Целта на оваа студија е да го утврди намалувањето на Доплер ехотомографските параметри (DPI - Doppler Perfusion Index), како и индексите добиени од лабораториските параметри (FLI - Fatty Liver Index), при стеатоза на црниот дроб која е третирана со терапија на Hepa Merz. Во текот на двомесечното испитување беа опфатени вкупно 40 пациенти со стеатоза на црниот дроб, континуирано третирани со Хепа Мерз.

Денес пазарот е преплавен од печатачи со различен изглед, големина, намена и, секако, конструктивна изведба и дизајн. Во нашата редакција деновиве пристигнаа два интересни модели на портабл печатачи, производи на компаниите SONY и Hewlett Packard. Се работи за печатачи со мали димензии кои имаат строго одредена намена - печатење на колор фотографии.

Развојот на новите технологии за читање и снимање на оптичките медиуми неминовно ќе доведе до "смена на генерациите" и на овој сегмент од IT-пазарот. Иднината е во БлуРаѕ технологијата, чии перформанси, квалитет и капацитет за складирање податоци ги прават неспоредливо посупериорни врз DVD медиумите.

Порано, во светот на компјутерите особено беше популарна идејата за една глобално поврзана иднина, во која уредите нема да имаат сопствени дискови, ниту апликации, а ќе оживуваат единствено со конектирање на интернет-мрежата, користејќи ги нејзините богати ресурси. Иако оваа идеја ни делумно не е реализирана, сепак, постојат неколку видови сервиси кои можат да се сметаат за нејзини потомци.

Почитувани, пред вас е првиот дел од серијата написи за програмскиот јазик C++, кој верувам ќе предизвика интерес кај вас. Во написот што следува, ќе се запознаете со кратката историја, типовите на променливи, како и операторите кои се употребуваат при програмирањето. Во оваа серија на написи ќе бидат опфатени концептите на процедуралното програмирање, како основа за воведот во објектното ориентирано програмирање.

Стареењето на мозокот може да се забави, но и веќе остарените клетки можат да се подмладат. За да бидат резултатите добри, пред сé, треба да внимавате на животниот стил и мозочниот тренинг. Но, ако имате проблем да се сетите на некоја формула, на нечиј роденден, не очајувајте. Науката го менува животот. Создавањето на "вештачка" меморија, која ќе може да се носи околу вратот како приврзок, ќе го елиминира стресот поради заборавање.

Освен по својот углед и квалитет во компјутерската индустрија, HP е познат и по својата истрајност на полето на џебните компјутери кои, традиционално, силно го поддржуваат софтверот на Мајкрософт. Нивните можности никогаш не биле доведени во прашање, но во последно време пазарот многу повеќе се ориентира на богато опремените и моќни смартфоун апарати.

Годинава, за прв пат во Македонија, се одржа фотоконкурсот Lumix Awards на кој за 2 месеца пристигнаа преку 5 000 фотографии. Со макотрпна работа на стручното жири беа избрани најдобрите 87 фотографии и прогласени победниците. Конкурсот финишираше со изложба и печатење на пригоден каталог.